इजरायली सेनाको आक्रमणबाट कम्तीमा ११ प्यालेस्टाइनीको मृत्यु, दर्जनौँ घाइते

इजरायली सेनाको कब्जामा रहेको वेस्ट बैंकमा सेनाको आक्रमणबाट ११ जना प्यालेस्टाइनीको ज्यान गएको छ। इजरायली सेनाको आक्रमणबाट दर्जनौँ अन्य घाइते भएको प्यालेस्टाइनी स्वास्थ्य अधिकारीहरूले बताएका छन्।

नेपालभ्युज

काठमाडौं। इजरायली सेनाको कब्जामा रहेको वेस्ट बैंकमा सेनाको आक्रमणबाट ११ जना प्यालेस्टाइनीको ज्यान गएको छ। इजरायली सेनाको आक्रमणबाट दर्जनौँ अन्य घाइते भएको प्यालेस्टाइनी स्वास्थ्य अधिकारीहरूले बताएका छन्।

बुधवार बिहान सेनाहरू पुरानो शहर नाब्लसमा प्रवेश गर्दा प्यालेस्टाइनी बन्दुकधारीहरूसँग सशस्त्र झडप सुरु भएको थियो। इजरायली सेनाले आत्मसमर्पण गर्न अस्वीकार गर्ने घरभित्र लुकेर बसेका तीन जना लडाकुलाई मारेको बताएको छ।

घरबाहिर मारिएकामध्ये दुई वृद्ध पुरुषसहित धेरै सर्वसाधारण नागरिक थिए। ७२ वर्षीय अदनान साबे बारा मृत्यु हुनेहरुमध्येका एक भएको प्यालेस्टाइनी स्वास्थ्य मन्त्रालयले बताएको छ।