यतीको जहाज दुर्घटनामा ६८ जनाको मृत्यु भएको पुष्टि

पोखरामा भएको यती एयरलाइन्सको विमान दुर्घटनामा अहिलेसम्म ६८ जनाको मृत्यु भएको पुष्टि भएको छ। विमानमा ४ जना चालक दलका सदस्यसहित ७२ जना रहेका थिए।

नेपालभ्युज

काठमाडौं। पोखरामा भएको यती एयरलाइन्सको विमान दुर्घटनामा अहिलेसम्म ६८ जनाको मृत्यु भएको पुष्टि भएको छ। विमानमा ४ जना चालक दलका सदस्यसहित ७२ जना रहेका थिए।

जसमध्ये अहिलेसम्म साँझ ५ बजेसम्म ६८ जनाको मृत्यु पुष्टि भएको नेपाल नागरिक उड्डयन प्राधिकरणले जानकारी दिएको छ ।

जसमा २५ जना महिला, ३७ जना पुरुष, बालक ३ जना र शिशु ३ जना रहेका प्राधिकरणले जानकारी दिएको छ।