श्रीलंकासँगको दोस्रो एकदिवसीय क्रिकेट पनि भारतले जित्यो,शृङ्खला कब्जा

नेपालभ्युज

एजेन्सी ।श्रीलंकासँगको दोस्रो एकदिवसीय क्रिकेटमा पनि भारत विजयी भएको छ । गएराति भएको दोस्रो खेल ४ विकेटले जितेसँगै भारतले एक खेल बाँकी छँदै शृङ्खला जितेको हो । जितका लागि २ सय १६ रनको लक्ष्य पछ्याएको भारतले ४३ ओभर २ बलमा ६ विकेट गुमाउँदै भेट्टायो ।

भारतका लोकेश राहुलले नटआउट ६४ रन बनाए । श्रीलङ्काका लागि लाहिरु कुमारा र चामिका करुणारत्नेले दुई/दुई विकेट लिए । त्यसअघि इडेन गार्डेनमा टस जितेर पहिला ब्याटिङ गरेको श्रीलङ्का ३९ ओभर ४ बलमा २ सय १५ रनमा अलआउट भयो । डेब्यु खेलमा नुवानिदु फ्रेनान्डोले सर्वाधिक ५० रन बनाए ।

भारतका कुलदीप यादव र मोहम्मद शिराजले समान तीन विकेट लिए । उमरान मलिकले दुई र अक्षर पटेलले एक विकेट लिए । तेस्रो तथा अन्तिम खेल आइतवार हुनेछ ।