ग्लोबल आईएमई र बैंक अफ काठमाडौं मर्जरपछि ग्लोबलको नाममै कारोबार हुने

ग्लोबल आईएमई बैंक र बैंक अफ काठमाण्डूको पुस २५ गतेदेखि एकीकृत कारोबार सुरू हुने भएको छ। यी दुई बैंक एक आपसमा गाभिएपछि ग्लोबल आइएमई बैंकको नामबाट एकीकृत कारोबार सुरू हुन लागेको हो।

नेपालभ्युज

काठमाडौं। ग्लोबल आईएमई बैंक र बैंक अफ काठमाण्डूको पुस २५ गतेदेखि एकीकृत कारोबार सुरू हुने भएको छ। यी दुई बैंक एक आपसमा गाभिएपछि ग्लोबल आइएमई बैंकको नामबाट एकीकृत कारोबार सुरू हुन लागेको हो।

दुवै बैंकको मंसिर २३ गते बसेको छुट्टाछुट्टै साधारण सभाले मर्जरमा जाने प्रस्ताव पारित गरेका हुन्। नेपाल राष्ट्र बैंकले दुवै बैंकलाई मर्जरमा जान पुस १७ गते अन्तिम स्वीकृति प्रदान गरेको हो।

मर्जरपछि बैंकको केन्द्रीय कार्यालय हाल हाल ग्लोबल आइएमई लिमिटेडको केन्द्रीय कार्यालय रहेको स्थान बागमती प्रदेश, काठमाडौं जिल्ला वडा नं २८ कमलादीमा हुने कम्पनीले जानकारी दिएको छ।