काठमाडौंले दियो जनकपुरलाई २०९ रनको लक्ष्य

त्रिवि अन्तर्राष्ट्रिय क्रिकेट मैदानमा जारी खेलमा काठमाडौंले पूरै ओभर खेल्दा ६ विकेट गुमाएर २०८ रन बनायो ।

नेपालभ्युज

काठमाडौं। नेपाल टी–२० लिगमा काठमाडौं नाइट्सले जनकपुर रोयल्सलाई २०९ रनको चुनौतीपूर्ण लक्ष्य दिएको छ। त्रिवि अन्तर्राष्ट्रिय क्रिकेट मैदानमा जारी खेलमा काठमाडौंले पूरै ओभर खेल्दा ६ विकेट गुमाएर २०८ रन बनायो ।

काठमाडौंको लागि एलेक्स ब्लेकले ४३ बलमा ८३ रन बनाउँदा विरनदीप सिंहले ३४ बलमा ४९ रन जोडे। ब्लेकले विस्फोटक ब्याटिङ प्रदर्शन गर्दै २७ बलमा ३ चौका र ४ छक्का प्रहार गर्दै अर्धशतक पूरा गरे।

जनकपुरको लागि पवन सरफले २ र सराफुद्दिन अशराफ, मोहम्मद आदिल आलम, जितेन्द्र मुखिया र सोमपाल कामीले १–१ विकेट लिए।

काठमाडौं दोस्रो जितको खोजीमा छ भने जनकपुर लगातार तेस्रो जित निकाल्न चाहन्छ।