प्रदेश एक कांग्रेस संसदीय दलको नेता छान्न पुस १५ मा मतदान

नेपालभ्युज

काठमाडौं। प्रदेश एक कांग्रेस संसदीय दलको नेता चयन गर्न पुस १५ गते मतदान हुने भएको छ । प्रदेश निर्वाचन समितिले सूचना जारी गर्दै पुस १५ गते बिहान ९ बजेदेखि १० बजेसम्म मतदानको समय तोकिएको जनाएको छ ।

पुस १४ गते बिहान ९ बजे मतदाता नामावली सार्वजनिक गर्ने सोही दिन बिहान साढे ११ बजे अन्तिम नामावली सार्वजनिक गर्ने निर्वाचन कार्यतालिका छ ।

पुस १४ गते १२ः३० देखि १ः३० सम्म उम्मेदवारी दर्ता गरिने र सोही दिन अपरान्ह ४ बजेसम्म उम्मेद्वारको अन्तिम नामावली सार्वजनिक गरिने सूचनामा उल्लेख छ ।