आज विभिन्न ठाउँमा ठूलो वर्षाको सम्भावना

काठमाडौं। अहिले देशका धेरै ठाउँको मौसम बद्ली भएको छ। गण्डकी, लुम्बिनी, सुदूरपश्चिम र कर्णाली प्रदेशको मौसम पूर्ण बद्ली भएको छ। अन्य प्रदेशको मौसम सामान्य बद्ली भएको छ।

उनका अनुसार गण्डकी र लुम्बिनी प्रदेशका केही ठाउँमा बिहानैदेखि पानी परिरहेको छ। आज दिउँसो लुम्बिनी र सुदूरपश्चिम प्रदेशका एक दुई ठाउँमा ठूलो वर्षाको अनुमान गरिएको छ।

यस्तै, राति प्रदेश १, मधेस प्रदेश, वाग्मती प्रदेश र लुम्बिनी प्रदेशका एक दुई ठाउँमा ठूलो वर्षाको सम्भावना मौसम पूर्वानुमान महाशाखाले जनाएको छ।
भारतको उत्तर प्रदेश र नयाँ दिल्ली आसपासमा बनेको न्यून चापीय क्षेत्रका कारण अहिले देशभरको मौसम बद्ली भएको हो।

यही प्रणालीका कारण दिउँसो लुम्बिनी र सुदूरपश्चिम प्रदेशका एक दुई ठाउँमा ठूलो पानी पर्ने छ। मौसमविद्ले ठूलो वर्षा हुने प्रदेश १, मधेस प्रदेश, वाग्मती प्रदेश, लुम्बिनी प्रदेश र सुदूरपश्चिम प्रदेशमा बाढी पहिरोको जोखिम रहेकाले सावधानी अपनाउन आग्रह गरेका छन् ।