रातभर काठमाडौंमा भारी वर्षा, नदीमा ठूलो बाढी आएकाले सतर्कता अपनाउन आग्रह

नेपालभ्युज

काठमाडौं। काठमाडौं उपत्यकामा गएराती भारी वर्षा भएको छ । काठमाडौंका केहि ठाउँमा शनिबार दिउँसोदेखि नै पानी परेकोमा राती सबैजसो ठाउँमा भारी वर्षा भएको जल तथा मौसम पूर्वानुमान महाशाखाले जनाएको छ ।

राती ३ देखि ६ घण्टासम्म काठमाडौंका सबैजसो ठाउँमा लगातार भारी वर्षा भएको महाशाखाले जनाएको छ ।

भारी वर्षाका कारण काठमाडौं उपत्यकाका खोला तथा नदीमा ठूलो बाढी आएको छ । विष्णुमती, वाग्मती,धोवीखोला,मनोहरा, हनुमन्ते र गोदावरी खोलामा बाढी आएको नेपाल बाढी सूचना केन्द्रले जनाएको छ । विहान ५ बजे मनोहरा बालकुमारीको जल सतह साढे ३ मिटर माथी पुगेको छ।

सडक तथा नदी किरानका बस्ती र यात्रा गर्दा उच्च सतर्कता अपनाउन केन्द्रले आग्रह गरेको छ ।