आँबुखैरेनी–मुग्लिन सडकखण्ड आठ घण्टापछि नियमित

काठमाडौं। पृथ्वीराजमार्गअन्तर्गत तनहुँको आँबुखैरेनी–मुग्लिन सडकखण्ड आठ घण्टापछि नियमित भएको छ।

आइतबार रातिदेखि परेको अविरल वर्षाका कारण आज बिहान २ बजेदेखि अवरुद्ध भएको सो सडकखण्ड आठ घण्टापछि दुईतर्फी सञ्चालनमा आएको हो ।

आँबुखैरेनी गाउँपालिका–४ ऐनापहरामा सडकमाथिबाट पहिरो खस्दा अवरुद्ध भएको सडकखण्ड बिहान ७ बजेदेखि एकतर्फी सञ्चालनमा आएको थियो ।

निरन्तर पहिरो पन्छाएर दुईतर्फी सडक सञ्चालनमा ल्याइएको जिल्ला प्रहरी कार्यालयका प्रहरी नायब उपरीक्षक युवराज खड्काले जानकारी दिए।

लोकप्रिय (यो साता)