रुसी संगीत युक्रेनमा प्रतिबन्ध

किभ। युक्रेनको संसदले मिडिया र सार्वजनिक स्थानहरूमा केही रुसी सङ्गीतलाई प्रतिबन्ध लगाउने पक्षमा मतदान गरेको छ। यो प्रतिबन्ध सबै रुसी सङ्गीतमा लागू नभई केही गीतहरूमा लागु गरिएको छ। आइतबार सांसदहरूले अनुमोदन गरेको विधेयकले टेलिभिजन, रेडियो, विद्यालय, सार्वजनिक यातायात, होटेल, रेस्टुरेन्ट, सिनेमाघर र अन्य सार्वजनिक स्थानहरूमा केही रूसी संगीत बजाउन वा प्रदर्शन गर्न प्रतिबन्ध लगाएको छ।
प्रतिबन्ध सन् १९९१ पछि रूसी नागरिक भएकाहरूद्वारा सिर्जना गरिएको वा प्रदर्शन गरिएको सङ्गीतसँग सम्बन्धित छ।

तर, युक्रेनमा रुसी युद्धको निन्दा गर्ने कलाकारहरूले प्रतिबन्धबाट छुटको लागि निवेदन दिन सक्छन्। त्यस्तै रुस र बेलारुसबाट पुस्तक आयात गर्न पनि संसदले प्रतिबन्ध लगाएको छ।

पूर्वी र दक्षिण युक्रेनका क्षेत्रहरूमा बसोबास गर्नेहरू मध्ये धेरैले ऐतिहासिक रूपमा रूससँग बलियो सम्बन्ध महसुस गरेका छन्। त्यस क्षेत्रका प्रायः मानिसको पहिलो भाषा रुसी भाषा हो।
तर, युक्रेनमा रुसी हमलाले धेरै युक्रेनहरूलाई रुसी संस्कृतिबाट अलग गर्न खोजेको छ।