आइसिसी विश्वकप लिग २ -पिएनजीलाई हराउँदै सुखद अन्त्यको खोजीमा नेपाल

काठमाडौं। युएईमा जारी आइसिसी विश्वकप लिग–२ को एकदिवसीय सिरिजअन्तर्गत अन्तिम खेलमा आज नेपालले पपुवा न्यूगिनी (पिएनजी) सँग भिड्दैछ। खेल बिहान सवा ११ बजेदेखि दुबई अन्तर्राष्ट्रिय क्रिकेट मैदानमा हुनेछ।

यो शृङ्खलामा नेपालले तीन म्याच खेल्दा एक खेलमा मात्र जित हात पारेको छ। पहिलो खेलमा नेपालले पिएनजीविरुद्ध २ विकेटको सङ्घर्षपूर्ण जित निकालेको थियो। पछिल्लो दुई खेलमा भने नेपालले युएईविरुद्ध लगातार हार बेहो¥यो।

पिएनजीले आफ्नो तेस्रो खेलमा युएईलाई ७ विकेटले हराएको थियो।
खराब लयमा रहेको नेपाललाई हराउँदै पिएनजी सुखद अन्त्य गर्न चाहन्छ। नेपाल पनि पिएनजीविरुद्धको जित यात्रालाई कायमै राख्ने सोचमा छ।

हालसम्म नेपालले पिएनजीसँग तीन एकदिवसीय अन्तर्राष्ट्रिय म्याच खेलेको छ। जसमा नेपालले सबै खेलमा जित हात पारेको छ।