साफ यू–१८ महिला च्याम्पियनसिप : उद्घाटन खेलमा नेपाल र भारत भिड्ने

साफ अन्डर एटिन महिला च्याम्पियनसिप फुटबल आजदेखि भारतको जमसेदपुरमा शुरु हुँदैछ।

नेपालभ्युज

काठमाडौं। साफ अन्डर एटिन महिला च्याम्पियनसिप फुटबल आजदेखि भारतको जमसेदपुरमा शुरु हुँदैछ। प्रतियोगिताको उद्घाटन खेलमा आज नेपालले आयोजक भारतको सामना गर्नेछ। नेपाल र भारतबीचको खेल बेलुका ७ः१५ बजे शुरु हुनेछ ।

डबल राउण्ड रोबिनको आधारमा हुने च्याम्पियनसिपमा नेपाल, भारत र बंगलादेशको सहभागिता छ। उपाधि दाबेदार भारतविरुद्ध जित निकाल्न नेपाललाई सहज छैन।

यस्तै नेपालले दोस्रो खेलमा ३ चैतमा बंगलादेशको सामना गर्नेछ। ७ चैतमा फेरि भारतसँग खेल्दा नेपालले ९ चैतमा बंगलादेशसँग खेल्नेछ।