आजको मौसमः पश्चिमी क्षेत्रका केही ठाउँमा हल्का वर्षा

नेपालभ्युज

काठमाडौं। अहिले पश्चिमी क्षेत्रका केही ठाउँमा हल्का पानी परिरहेको छ। पश्चिमी क्षेत्रको मौसम पूर्णरुपमा बद्ली भएको छ। सुदूरपश्चिम, कर्णाली, लुम्बिनी र गण्डकी प्रदेशको मौसम सामान्यदेखि पूर्णरुपमा बद्ली भएको हो।

आज अन्य क्षेत्रको मौसम पनि सामान्यतया बद्ली हुने मौसम पूर्वानुमान महाशाखाले जनाएको छ। आज काठमाण्डौ उपत्यकासहित देशका केही ठाउँमा हल्का वर्षाको सम्भावना छ । यस्तै, उच्च पहाडी र हिमाली जिल्लामा हिमपात हुनेछ । केही दिनयता लगातारजसो मौसम बद्लीसँगै हिमाली जिल्लामा हिमपात भइरहेको छ । यसले चिसो बढाएको छ ।

आज राति पनि देशका धेरै ठाउँको मौसम आंशिकदेखि सामान्य बद्ली हुनेछ भने पहाडी क्षेत्रका केही ठाउँमा पानी पर्नेछ।