बढ्यो चिसो, काठमाडौंमा ४ डिग्री तापक्रम

बिहान सवा ७ बजेसम्म काठमाडौंमा ४ डिग्री सेल्सियस तापक्रम मापन गरिएको छ। राती भने शून्यसम्म पुग्ने गरेको छ।

नेपालभ्युज

काठमाडौँ। बिहानको समयमा हुस्सु, कुहिरो लाग्नका साथै देशभर चिसो बढेको छ। चिसोबाट बच्न आवश्यक सुरक्षा एवं सतर्कता अपनाउन मौसमविद्ले अनुरोध पनि गरेका छन्।

हाल देशभरको मौसम सामान्यतया सफा छ । मौसम पूर्वानुमान महाशाखाका अनुसार सोमबार प्रदेश–१, बागमती, गण्डकी, कर्णाली प्रदेशको पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहनेछ ।
देशको उच्च पहाडी तथा हिमाली भू–भागका थोरै स्थानमा भने हल्का हिमपातको पनि सम्भावना रहेको महाशाखाले जारी गरेको मौसम पूर्वानुमान बुलेटिनमा उल्लेख गरिएको छ।