लामो समयदेखि वैकल्पिक शक्तिको वकालत गरिरहेका डा. बाबुराम भट्टराईले एकपटक फेरि त्यही विषयमा बहस उठान गरेका छन् । यही सेरोफेरोमा रहेर हामीले भट्टराईका कम्तीमा तीनवटा आलेख शृङ्खलाबद्धरूपमा प्रकाशित गर्नेछौं । बहसको निम्तो दिँदै पहिलो आलेखमा भट्टराई सोध्छन्, “यो साँच्चै नै ठूलो विडम्बनाको विषय हो कि हिजो त्यत्रो युगान्तकारी क्रान्तिको नेतृत्व गर्ने र असम्भवलाई सम्भव बनाउने राजनीतिक नेतृत्व आज किन यसरी स्खलित भयो ?”