कांग्रेसका प्रभावशाली नेता तथा पूर्वगृहमन्त्री बालकृष्ण खाण पक्राउ परेसँगै प्रहरीले बाँकी शक्तिशाली नेताहरूमाथि प्रमाण जुटाउँदै छ। यही प्रकरणमा ‘नाम मुछिएका’ कांग्रेस सभापति देउवा पत्नी आरजु राणा र बालकृष्ण पत्नी मञ्जु खाणको संलग्नताबारे प्रहरीले अनुसन्धान अघि बढाएको छ । हाइप्रोफाइल पक्राउ परेसँगै कम्तीमा अपराधका उजुरीमा प्रहरीले पनि गम्भीरतासाथ लिन्छ र सार्वजनिक ओहदाका जतिसुकै माथिल्लो पदमा रहे पनि मुक्ति पाउँदैनन् भन्ने सन्देश गएको छ।