तीनकुने प्रदर्शन : मिश्र र प्रसाईंसहित २४ जनालाई ५ दिन म्याद थपियो

नेपालभ्युज

काठमाडौं । तीनकुने घटनामा मुछिएका रविन्द्र मिश्र र दुर्गा प्रसाईंसहित २४ जनालाई जिल्ला अदालत काठमाडौंले थप पाँच दिन हिरासतमा राख्न अनुमति दिएको छ।

राज्यविरुद्धको कसुरमा अनुसन्धान गरिरहेको प्रहरीको मागबमोजिम न्यायाधीश मोना सिंहको इजलासले उनीहरूको म्याद थप गरेको हो।

यसअघि वैशाख २१ गते म्याद थपिएका उनीहरूलाई प्रहरीले थप अनुसन्धानका लागि अदालतमा पेश गरेको थियो। यसै घटनाको अनुसन्धानको क्रममा राप्रपाका महामन्त्री धवलशमशेर जबरालाई भने क्यान्सरको उपचारका लागि रिहा गरिएको थियो।