दिनेश त्रिपाठीमाथि हातपात घटना : तीन जनासँग धरौटी माग

काठमाडौं । वरिष्ठ अधिवक्ता दिनेश त्रिपाठीमाथि हातपात गर्ने तीन जनासँग धरौटी माग गरिएको छ ।

जिल्ला अदालत काठमाडौंका न्यायाधीश गायत्रीप्रसाद रेग्मीको इजलासले शुक्रबार धरौटी माग गरेको हो ।

सूचना अधिकारी दिपककुमार श्रेष्ठकाअनुसार दोलखा घर भई ललितपुर महालक्ष्मी नगरपालिका–५ टिकाथली बस्ने ४८ वर्षीय ललितकुमार केसी, हुम्ला घर भई काठमाडौंको टोखा बस्ने ३२ वर्षीय महानन्द जैसी र झापा घर भई बानेश्वर बस्ने ५५ वर्षीया सीतादेवी राईसँग एक–एक लाख रुपैयाँ माग गरिएको हो ।

गत माघ २ मा स्वर्णलक्ष्मी बचत तथा ऋण सहकारीको मुद्दामा रास्वपा सभापति रवि लामिछानेविरुद्ध बहस गरेका त्रिपाठीमाथि अदालत परिसमार हातपात भएको थियो ।

त्रिपाठीले ज्यान मार्न नहुने कसुरमा जाहेरी दिएका थिए ।