प्रेमिकासँग ब्रेकअप भएपछि यी युवाले ९७५ मिलियन डलरमा बेचे कम्पनी

काठमाडौं । केही व्यक्तिहरूले आफ्नो जीवनको ठूलो हिस्सा कम्पनी बनाउन खर्च गर्छन् ।

कतिपय यस्ता छन्, जसले सानै उमेरमा ठूलो कम्पनी बनाएर बेच्छन् । तीमध्ये विनय हिरेमठ पनि एक हुन् ।

तर, विनयले कम्पनी बेच्नुको कारण निकै अनौठो छ । आफ्नी प्रेमिकासँग ब्रेकअप पछि उनले कम्पनी बेचेका हुन् ।

उनले आफ्नो कम्पनी १०, २० करोड रुपैयाँमा नभई ९७५ मिलियन डलर (लगभग ८४०० करोड भारु)मा बेचेका छन् । अब उनले सामाजिक सञ्जालमा यो रकम कहाँ खर्च गर्ने भनेर सोधेका छन् ।

३३ वर्षीय विनय हिरेमठ भारतीय मूलका व्यापारी हुन् र अमेरिकामा बस्छन् । उनी लूम कम्पनीका सह-संस्थापक हुन् ।

उनले सन् २०२३ मा आफ्नो स्टार्टअप ९७५ मिलियन डलरमा बेचेका हुन् । यो Atlassian ले खरिद गरेको थियो ।

विनय आफ्नो कम्पनी बेचेर रातारात अर्बपति बनेका छन् । अहिले उनले लामो ब्लग लेखेका छन् । जसमा उनले आफ्नो जीवनमा भइरहेको परिवर्तनका बारेमा विस्तृत रुपमा व्याख्या गरेका छन् ।

विनयले ब्लगमा लेखेका छन्, ”म धनी व्यक्ति बनेको छु । अब मेरो जीवनलाई के गरुँ बुझ्दिन । गत वर्ष मेरो लागि धेरै गाह्रो थियो । गत वर्ष कम्पनी बेचिसकेपछि म अब फेरि कहिल्यै काम नगर्ने अनौठो स्थितिमा छु । म हरेक कुरामा नयाँ कुरा पाउँछु, तर प्रेरणादायी होइन । मैले पहिले नै यति धेरै पैसा कमाएको छु कि मलाई के गर्ने थाहा छैन ।”

विनयले ब्लगमा आफ्नी प्रेमिकाको बारेमा पनि लेखेका छन् । उनले लेखेका छन्, ”मेरी प्रेमिकासँग दुई वर्षदेखि निकै सौहार्दपूर्ण सम्बन्ध थियो । तर, असुरक्षाका कारण उनले मसँग ब्रेकअप गरिन् । यो एकदम दु:खद् कुरा थियो । तर, यो लिनु सही निर्णय थियो ।”

विनयले ब्लगमा प्रेमिकासँग माफी पनि मागेका छन् । उनले आफ्नी प्रेमिकाका लागि लेखे, ”सबै कुराको लागि धन्यवाद । मलाई माफ गर्नुहोस् म तिमीलाई चाहिएको हुन सकिन ।”’

विनयको कम्पनी लूम किन्ने व्यक्तिले विनयलाई सीटीओको पद र ६ करोड डलरको प्याकेज प्रस्ताव गरेका छन् । विनयले एटलासियनको यो प्रस्तावमा आफूले कुनै निर्णय गर्न नसकेको बताएका छन् । विनयले लेखेका छन् – ”म इलोन मस्क जस्तै बन्न चाहन्छु ।”