माधव नेपाल र रुसी कम्युनिस्ट नेताबीच भेटवार्ता, सहयोग आदानप्रदानलगायत विषयमा छलफल

काठमाडौं । नेकपा एकीकृत समाजवादी)का अध्यक्ष एवं पूर्वप्रधानमन्त्री माधवकुमार नेपाल र रसियन कम्युनिस्ट पार्टी (सीपीसीआर)का अध्यक्ष सर्गेई मालिन्कोबीच शिष्टाचार भेटवार्ता भएको छ ।

भेटवार्तामा एकापसमा सहकार्य तथा सहयोग आदानप्रदान, दुवै मुलुकको राजनीतिक, आर्थिक विकास, सामाजिक रुपान्तरण, सांस्कृतिक आदानप्रदानलगायतका विषयमा छलफल भएको एकीकृत समाजवादी विदेश विभाग सचिव डा शङ्कर खतिवडाले जानकारी दिए ।

भेटवार्तामा पार्टीका सम्मानित नेता एवं पूर्वप्रधानमन्त्री झलनाथ खनाल, विदेश विभाग सचिव डा खतिवडालगायत नेताको सहभागिता रहेको थियो । एकीकृत समाजवादीको विदेश विभागको निमन्त्रणामा साताव्यापी नेपाल भ्रमणमा रहेको उक्त प्रतिनिधिमण्डलले रुस भ्रमणको निमन्त्रणासमेत दिएको विदेश विभाग सचिव डा खतिवडाले जानकारी दिए ।