स्वस्तिमा खड्का ‘फेस अफ कर्णाली याक्स’

काठमाडौं । नेपाल प्रिमियर लिग (एनपीएल) टोली कर्णाली याक्सले स्वस्तिमा खड्कालाई ‘फेस अफ कर्णाली याक्स’का रुपमा टोलीमा जोडेको छ ।

बुधवार आयोजित एक कार्यक्रममा कर्णालीले स्वस्तिमालाई फेस अफ कर्णाली याक्सका रुपमा सार्वजनिक गरेको हो । कर्णालीको फेस हुनु पाउँदा आफ्नो लागि खुसीको कुरा रहेको स्वस्तिमाले बताइन् ।

युट्युबमा फुटबल सावित्रा भण्डारीको भिडिओ देखेर एउटा खेलाडीले विश्वमा पार्ने प्रभावको बारेमा आफूलाई ट्रिगर गरेको स्वास्तिमाले बताइन् ।

उनले पछिल्लो केही वर्षमा व्यक्तिगत रुपमा खेलकुद र खेलको समर्थक बारेमा आफ्नो धारण परिवर्तन भएको बताइन् । यस्तै, खेलकुदप्रतिको दृष्टिकोण परिवर्तन हुनुको साथै आफू खेलकुदतिर ढल्केको पनि बताइन् ।

कर्णाली याक्सले कर्णालीको पृथक पहिचान बन्ने पनि उनले विश्वास व्यक्त गरिन् । सुजन खनालको शब्द, संगित र स्वरमा तयार पारिएको कर्णाली याक्सको एन्थम संग पनि सार्वजनिक गरिएको थियो ।