लुम्बिनी लायन्सले गर्यो उन्मुक्त चन्दलाई अनुबन्धन

काठमाडौं । नेपाल प्रिमियर लिग एनपीएलको टोली लुम्बिनी लायन्सले उन्मुक्त चन्दलाई टोलीमा अनुबन्धन गरेको छ ।

बुधबार लुम्बिनीले आफ्नो सामाजिक संजालमार्फत भारतका चन्दलाई टोलीमा अनुबन्ध गरेको जानकारी गराएको हो ।

यू–१९ को कप्तानी गर्दा भारतले सन् २०१२ को विश्वकप जितेको थियो । उनले आइपीएलका लागि राजस्थान रोयल्सका लागि पनि खेलिसकेका छन् । चन्दलाई विश्वका विभिन्न टी–२० फ्रेन्चाइज लिग खेल्ने अनुभव छ ।

लुम्बिनीले मुख्य प्रशिक्षक नन्दन फड्निस रहेका छन् । टोलीमा पूर्व क्रिकेटर शक्ति गौचन कन्सल्टेन्ट प्रशिक्षकको रुपमा आबद्ध छन् ।

टोलीमा राष्ट्रिय क्रिकेट टोलीका कप्तान रोहितकुमार पौडेल टोलीको मार्की खेलाडी हुन् ।