श्रीलंकाका लाहिरू मिलान्था जनकपुर बोल्ट्समा

काठमाडौं । जनकपुर बोल्ट्सले श्रीलंकाका लाहिरू मिलान्थालाई अनुबन्ध गरेको छ । जनकपुरले सामाजिक सञ्जालमार्फत मिलान्थालाई अनुबन्ध गरेको जानकारी दिएको छ ।

टोलीले भन्यो, ”श्रीलंकाका विस्फोटक लाहिरू मिलन्थालाई जनकपुर बोल्ट्समा स्वागत गर्न पाउँदा हामी हर्षित छौँ । आफ्नो निडर स्ट्रोक प्ले र अतुलनीय उर्जाका लागि परिचित लाहिरू नेपाल प्रिमियर लिगलाई उज्यालो बनाउन तयार छन् । ठूला हिट र रोमाञ्चक क्षणहरू पर्खिरहेका छन् ।”

लाहिरूले ४६ टी-२० खेल खेलेका छन् भने १ हजार ८२ रन बनाएका छन् ।

यसअघि जनकपुरले न्युजिल्याण्डका जिमी निशम, अमेरिकाका मोहम्मद मोहसिन र जोशुवा ट्रम्पलाई अनुबन्ध गरेको थियो । जनकपुरमा आसिफ शेख मार्की खेलाडी तथा पुबुदु दासानायके मुख्य प्रशिक्षकको जिम्मेवारीमा छन् ।

क्यानको आयोजनामा एनपीएल मंसिर १५ देखि पुस ६ गतेसम्म आयोजना हुनेछ ।