माइतीघरमा रास्वपाको विरोध प्रदर्शन (तस्वीरहरू)

काठमाडौं । सहकारी ठगीसम्बन्धी प्रकरणमा पार्टी सभापति रवि लामिछाने पक्राउको विरोधमा राष्ट्रिय स्वतन्त्र पार्टीले काठमाडौंमा पनि प्रदर्शन गरेको छ ।

यसअघि पोखराका विभिन्न ठाउँमा विरोध प्रदर्शन गरेको रास्वपाले शुक्रबारदेखि यहाँ थालेको हो ।

प्रदर्शनका क्रममा प्रदर्शनकारीहरूले ‘वास्तविक सहरकारी गठलाई कारबाही गर’, ‘भ्रष्टाचारीलाई कारबाही गर’, ‘विधिको शासन कायम गर’, ‘अधिनायकवाद चल्दैन’, ‘दुईतिहाइको पाराले-दु:ख पाए साराले’लगायतका नाराबाजी गरेका छन् ।

रास्वपाले सभापति लामिछाने पक्राउलाई ‘सरकारले प्रतिशोध साँधेको’ रूपमा व्याख्या गर्दै शृङ्खलाबद्ध विरोध प्रदर्शन गर्दै आएको छ ।

लामिछाने गत कात्तिक २ गते काठमाडौं पक्राउ परेका हुन् । अहिले उनी जिल्ला प्रहरी कार्यालय, कास्कीको हिरासतमा छन् । बिहीबार मात्रै जिल्ला अदालत, कास्कीले थप ७ दिन थुनामा राखेर अनुसन्धान गर्न अनुमति दिएको छ ।