तनहुँमा खहरे खोलामा खस्यो बस, ११ जना घाइते

नेपालभ्युज

काठमाडौं । तनहुँमा बस दुर्घटना भएको छ ।

बुधबार दिउँसो आबुखैरेनी गाउँपालिका–२ र ३ नम्बर वडा जोड्ने खहरे खोलामा बस दुर्घटना भएको हो । नयाँ र पुरानो दुई वटा पुलको बीचबाट बस तल खहरेमा खोल्सामा खसेको छ ।

पूर्वबाट पश्चिमतर्फ जाँदै गरेको ग १ ख ९४०२ नम्बरको बस दुर्घटना भएको तनहुँका डीएसपी दीपककुमार रायले जानकारी दिए ।

१५ जना सवार उक्त गाडीमा ११ जना घाइते भएका छन् ।

घाइतेको स्थानीय अस्पतालमा उपचार भइरहेको छ । दुर्घटनाको कारण खुल्न सकेको छैन ।