बच्चाको आँखामा गाजल लगाउनु हुन्छ कि हुँदैन ?

काठमाडौं । साना बच्चाको आँखामा गाजल लगाइन्छ । यस्तो मानिन्छ कि गाजल लगाउँदा आँखा ठूलो, सुन्दर र स्वस्थ हुन्छन् । तर, यसो गर्दा साना बच्चाको आँखाका लागि हानिकारक पनि हुन सक्छ ।

आउनुहोस्, गाजलको कारण बच्चाको आँखामा पर्ने केही असरका बारेमा जानौँ ।

आँखाको दृष्टिमा नराम्रो असर 

नियमित रूपमा गाजल लगाउँदा साना बच्चाको आँखाको दृष्टिमा असर पर्न सक्छ । यो सानो गल्तीका कारण बच्चाको आँखाको दृष्टि बाल्यकालमै कमजोर हुन थाल्छ ।

चिलाउने समस्या 

बजारबाट किनिएको केमिकलयुक्त गाजल लगाउँदा बच्चाको आँखा चिलाउने समस्या हुन सक्छ । यति मात्र होइन, गाजल आँखा रातो हुने र पोल्ने कारण पनि बन्न सक्छ ।

आँखाबाट पानी बग्न सक्छ

गाजलले बच्चाको आँखामा एलर्जी हुन सक्छ । एलर्जीको कारण आँखाबाट पानी बग्ने समस्या पनि उत्पन्न हुन सक्छ ।

यदि तपाईं आफ्नो बच्चालाई यस प्रकारका समस्याबाट बचाउन चाहनुहुन्छ भने, आँखामा गाजल नलगाइदिएकै राम्रो हुन्छ ।