कंगनाले खुलाइन् अम्बानीको बिहेमा नजानुको कारण

काठमाडौं । जुलाई १२ देखि १४ सम्म मुम्बईमा भएको अनन्त अम्बानी र राधिका मर्चेन्टको विवाहमा लगभग सबै बलिउड सेलिब्रेटीहरू उपस्थित थिए । तर, केही कलाकारहरु भने विवाह समारोहमा गएनन् ।

ती मध्येकी एक अभिनेत्री कंगना रनौतले हालै विवाहमा नआउनुको कारण खुलाएकी छिन् ।

युट्युबर सिद्धार्थ कन्ननलाई दिएको एक अन्तर्वार्तामा जब कंगनालाई यसबारे सोधिएको थियो । जवाफमा अभिनेत्रीले भनिन्, ‘मलाई अनन्त अम्बानीको फोन आएको थियो । उसले मलाई आफ्नो बिहेमा आउन भने । मैले भने- मेरो घरमा पनि बिहे छ । यो हाम्रो लागि धेरै विशेष र शुभ दिन थियो । त्यतिबेला मेरो भाइको बिहे थियो ।’

कंगनाले थप भनिन्, ‘त्यसो भए पनि म धेरै फिल्मी विवाहहरूमा जानबाट जोगाउँछु । तर, मैले उनलाई शुभकामना दिएँ ।’

जब सिद्धार्थले तपाइँ अन्तिम पटक बलिउड पार्टीमा कहिले जानुभएको थियो भनेर सोध्दा कंगनाले भनिन्, ‘अब मलाई थाहा छैन कसलाई यति धेरै याद हुन्छ र ?’

१२ जुलाईमा मुम्बईमा भएको विवाहमा भारत र विदेशका धेरै सेलिब्रेटीहरु सहभागी भएका थिए । यो विवाहमा किम कार्दशियन, जोन सिना, प्रियंका चोपडा-निक जोनस, रजनीकान्त, शाहरुख, सलमान र आमिर खान लगायत धेरै सेलेब्सले आफ्नो उपस्थिति दर्ता गरेका थिए ।