एसिया नेपाल इन्टनेशनल अवार्डबाट थाई नेपाली संघका पूर्वअध्यक्ष कार्की सम्मानित

बैंकक । थाई नेपाली संघका पूर्वअध्यक्ष कुमार कार्की एसिया नेपाल इन्टनेशनल अवार्ड २०२४ बाट सम्मानित भएका छन् ।

शैली मिडिया नेटवर्क प्रालि को आठौँ वार्षिकोत्सवको अवसरमा बैंककमा आयोजना गरिएको एसिया नेपाल इन्टनेशनल अवार्ड २०२४ अन्तर्गत एनआरएनए थाइल्यान्डका अध्यक्ष भविन्द्र बस्नेत,आमाछोदिङ्मो गाउँपालिका रसुवाका अध्यक्ष बुचुङ तामाङलगायतको उपस्थितिमा अन्तर्राष्ट्रिय शिक्षा सेवी सम्मान बाट कार्की सम्मानित भएका हुन् ।

सम्मानित कार्की म्यानमारमा जन्मिएर थाइल्यान्डलाई कर्मभूमि बनाई विगत लामो समयदेखि पेसा गरेर बसिरहेका छन् ।

शालिन व्यक्तित्व कार्कीको नेपालमा महाविनाशकारी भूकम्पको समयमा राहत,पून उद्धार र पुनर्निर्माणको काम गर्ने जस्ता मानवीय कार्यमा समेत उच्च योगदान रहेको थियो।

कार्यक्रममा शैली मिडिया नेटवर्क प्रालि अध्यक्ष रामचन्द्र पोखरेलले राष्ट्रिय तथा अन्तर्राष्ट्रिय क्षेत्रमा योगदान दिने व्यक्तित्वहरूको कामको मूल्याङ्कन गर्दै सम्मान गरिएको बताए । कार्यक्रममा विभिन्न क्षेत्रमा कार्यरत समाजसेवी तथा व्यवसायीलाई पनि सम्मान गरिएको थियो ।