बागलुङमा जिप दुर्घटना, ८ जना घाइते

बागलुङ । बागलुङको काठेखोला गाउँपालिकामा  बोलेरो जिप दुर्घटना हुँदा चालक सहित ८ जना घाइते भएका छन्।

शुक्रबार दिउँसो ध १ च ९५२ नम्बरको बोलेरो जिप मध्यपहाडी लोकमार्गको काठेखोला गाउँपालिका–५ मिलनचोकमा दुर्घटना भएको हो।

गलकोट नगरपालिकाको हटिया बजारबाट जिल्ला सदरमुकाम बागलुङ बजारतर्फ आउँदै गरेको जिप दुर्घटनामा परेको जिल्ला प्रहरी कार्यालय बागलुङले जनाएको छ ।

दुर्घटनामा घाइते हुनेमा गलकोट नगरपालिका ३ हटियाकी २१ वर्षीया तारा गौतम, ४ का २६ वर्षीय नविन सुवेदी, २३ वर्षीय मदन शर्मा,  ८ की २५ वर्षीया लक्ष्मी पुन, १९ वर्षीया स्मृति बुढाथोकी, २५ वर्षीय विपन शर्मा,  ९ का २४ वर्षीय गणेश सापकोटा र सवारी चालक  ३३ वर्षीय देवेन्द्र शर्मा रहेका छन्।

घाइतेहरुको धौलागिरी अस्पताल बागलुङमा उपचार भइरहेको  बताइएको छ ।