प्रेमीसँग मिलेर श्रीमानको हत्या गर्ने श्रीमती पक्राउ

काठमाडौं । काठमाडौंको कालोपुलमा मृत भेटिएका प्रेम दर्जीको श्रीमतीले नै हत्या गरेको खुलेको छ । प्रहरीले दर्जीको मृत्यु भएको केही घण्टामै श्रीमती उषा सार्की र अन्य एक जनालाई पक्राउ गरेपछि हत्या भएको खुलेको हो ।

प्रहरीले अनुसन्धान गर्दा उनको हत्या भएको पुष्टि गर्दै उनीहरूलाई पक्राउ गरेको हो । आइतबार बिहान दर्जी कालोपुल डेरामा मृत भेटिएका थिए ।

प्रहरीले हत्यामा संलग्न भएको आरोपमा दर्जीकी श्रीमती उषा र मदन रम्तेललाई पक्राउ गरेको हो । ओखलढुंगाको लिखु गाउँपालिका वडा नम्बर ९ घर भएका दर्जीको हत्यामा उनकै श्रीमती उषाको संलग्नता भएको प्रहरी दाबी छ ।

प्रहरीको प्रारम्भिक अनुसन्धानमा उषाले मदनसँग अवैध सम्बन्ध राख्दै आएकी थिइन् । श्रीमानले अवैध सम्बन्ध थाहा पाएपछि प्रेमीसँग मिलेर उषाले श्रीमान प्रेमको हत्या गरेको प्रहरीको प्रारम्भिक अनुसन्धानबाट खुलेको छ ।