भीडी १२ बाट विजय देवरकोन्डाको खतरनाक लुक आउट

काठमाडौं । नाग अश्विनको साइ–फाई पौराणिक थ्रिलर कल्की-२८९८ एडीमा अर्जुनको भूमिका निर्वाह गरेपछि विजय देवरकोन्डा फेरि पर्दामा एक्सनको जादु देखाउन तयार छन् । विजय देवरकोन्डाको आगामी फिल्म भीडी १२ को पोस्टर रिलिज भएको छ ।

देवरकोन्डा पछिल्लो समय पारिवारिक नाटक चलचित्रमा देखिँदै आएका छन् । लाइगर पछि उनी एक्सन रोलमा देखिएका छैनन् ।

तर, २ वर्षपछि देवरकोन्डा आफ्नो अहिलेसम्मकै सबैभन्दा खतरनाक अवतारमा फर्कने तयारीमा छन् । फिल्म भीडी १२ को अभिनेताको फर्स्ट लुक सार्वजनिक भएको छ, जुन देखेर सबै छक्क परेका छन् ।

भीडी १२ कहिले हुनेछ रिलिज ?
देवरकोन्डाले भीडी १२ को पोस्टरसँग यस्तो क्याप्सन लेखेका छन्, जसले फ्यानहरूको उत्साह बढाइरहेको छ । उनले लेखेका छन्, “उनको भाग्यले उनलाई पर्खिरहेको छ । गल्तीहरू, रक्तपात, प्रश्नहरू, पुनर्जन्म” ।

फिल्म हेर्न दर्शकले ८ महिना कुर्नुपर्नेछ । विजय देवरकोन्डाको फिल्म मार्च २८, २०२५ मा सिनेमाघरमा रिलिज हुनेछ ।

देवरकोन्डा अन्तिम पटक मृणाल ठाकुरसँग फिल्म द फेमिली स्टारमा मुख्य भूमिकामा देखिएका थिए । यसअघि उनी सामन्था रुथ प्रभुसँग कुशिमामा देखिएका थिए ।