सौर्य एयरलाइन्सको विमान दुर्घटनामा परेका क्याप्टेन शाक्य डिस्चार्ज

नेपालभ्युज

काठमाडौं । सौर्य एयरलाइन्सको विमान दुर्घटनामा घाइते भएका क्याप्टेन मनिषरत्न शाक्यको अस्पतालबाट डिस्चार्ज भएका छन् ।

दुर्घटनापछि गम्भीर घाइते भएका क्याप्टेन शाक्य सिनामंगलस्थित केएमसी अस्पतालमा उपचाररत थिए । अस्पतालका अनुसार उनको स्वास्थ्य सामान्य बन्दै गएपछि डिस्चार्ज गरिएको हो ।

गत साउन ९ गते त्रिभुवन विमानस्थलमा विमान दुर्घटना हुँदा १८ जनाको मृत्यु भएको थियो । १९ जना सवार उक्त विमानका क्याप्टेन शाक्यलाई घाइते अवस्थामा उद्धार गरेर अस्पताल पुर्‍याइएको थियो ।