सुमो दुर्घटना, चार जना घाइते

काठमाडौं । कोशी राजमार्गअन्तर्गत साँगुरीगढी गाउँपालिका ६ मालबासेमा सुमो दुर्घटना भएको छ । धरानबाट भोजपुरतर्फ जादैं गरेको प्रदेश १ ०२००१–३९१६ को टाटा सुमो शुक्रबार अपराह्न दुर्घटनामा परेको प्रहरीले जनाएको छ ।

उक्त दुर्घटनामा चार जना घाइते भएका छन् । घाइते हुनेमा भोजपुरको अरुण गाउँपालिका ४ का १५ वर्षीय राजकुमार तिरुवा विक, धरान उपमहानगरपालिका १५ का ५६ वर्षीय वीरबहादुर विक, धरान उपमहानगरपालिका ५ का ५१ वर्षीय सरमान विक र भारतीय नागरिक ३० वर्षीय सञ्जय साह रहेका छन् ।

उनीहरु सबैलाई धरानस्थित बीपी कोइराला स्वास्थ्य विज्ञान प्रतिष्ठानमा उपचारका लागि पठाइएको जिल्ला ट्राफिक कार्यालयले जनाएको छ ।