स्वास्थ्यमन्त्री प्रदीप पौडेलको पहिलो देखिने काम: अतिरिक्त समयमा पनि सेवा सञ्चालन गर्न निर्देशन

नेपालभ्युज

स्वास्थ्यमन्त्री प्रदीप पौडेलको पहिलो देखिने काम: अतिरिक्त समयमा पनि सेवा सञ्चालन गर्न निर्देशन

काठमाडौं । स्वास्थ्य तथा जनसङ्ख्या मन्त्रालयले सङ्घीय अस्पताललाई नियमितबाहेक अतिरिक्त समयमा पनि सेवा सञ्चालन गर्न अनुरोध गरेको छ ।

प्रदेश र पालिकाले पनि आफ्नो मातहतका अस्पतालमा नियमित बाहेक अतिरिक्त समयमा सेवा सञ्चालन गर्न सक्नेछन् ।

स्वास्थ्यमन्त्री प्रदीप पौडेल आएपछि अतिरिक्त समयमा पनि सेवा सुरु गरिन लागिएको हो ।

मन्त्रालयले अतिरिक्त समयमा सेवा सञ्चालन गर्न ‘विस्तारित अस्पताल सेवा कार्यक्रम सञ्चालनसम्बन्धी कार्यविधि २०७७’ कार्यान्वयनमा ल्याएको छ ।

कार्यविधिअनुसार सेवा शुरु गर्न र सेवा सञ्चालन गरेको जानकारी मन्त्रालयलाई गराउन स्वास्थ्य मन्त्रालयका प्रवक्ता डा. प्रकाश बुढाथोकीले आग्रह गरे ।

गुणस्तरीय स्वास्थ्य सेवा छिटोछरितो र स्वास्थ्य सेवामा नागरिकको सहज पहुँचको उद्देश्यले नियमितबाहेक अतिरिक्त समयमा सेवा सञ्चालन गर्न आग्रह गरिएको उनको भनाइ छ ।

अस्पतालले अतिरिक्त समयमा सेवा सञ्चालन गरेबापत चिकित्सक सेवा शुल्क सरकारले तोकेअनुसार र अन्य सेवा शुल्क अस्पतालले नियमित सेवा शुल्कमा बढीमा दुई सय प्रतिशतसम्म लिन पाउने व्यवस्था कार्यविधिमा उल्लेख गरिएको मन्त्रालयका प्रवक्ता डा. बुढाथोकीले जानकारी दिए ।

अस्पतालले सेवाको विवरण तयार पारी सेवाग्राहीले स्पष्ट बुझ्ने गरी देखिने ठाउँमा राख्नुपर्नेछ ।

सेवा सञ्चालन गर्नका लागि अस्पतालका प्रमुख रहेको कार्यक्रम सञ्चालन समिति गठन गर्नुपर्ने कार्यविधिमा उल्लेख छ ।

अतिरिक्त समयमा सेवा सञ्चालन सामुदायिक र सहकारी अस्पतालमा समेत लागू गर्न सकिने व्यवस्था छ ।

प्रदेश र पालिकाले पनि आफ्नो मातहतका अस्पतालमा नियमित बाहेक अतिरिक्त समयमा सेवा सञ्चालन गर्न सक्नेछन् ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2025 Digital House Nepal Pvt. Ltd. - All rights reserved