त्रिशूलीमा बेपत्ता भएकामध्ये अहिलेसम्म १७ जनाको शव भेटियो, ५ जनाको सनाखत हुन बाँकी

नेपालभ्युज

काठमाडौं । चितवनको सिमलतालस्थित पहिरोमा परेर त्रिशूलीमा बेपत्ता भएका दुईवटा बसका यात्रुमध्ये अहिलेसम्म १७ जनाको शव फेला परेको छ । भेटिएकामध्ये १२ जनाको सनाखत भएको छ । तीन पुरुष र २ महिलाको सनाखत हुन सकेको छैन ।

सनाखत भएकामध्ये गणपति डिलक्स बसका ७ जना यात्रु छन् भने एन्जल बसका ४ जनाको सनाखत भएको छ ।

अर्का सनाखत भएका कुन बसका यात्रु थिए यकिन नभएको उद्दारमा खटिएको सशस्त्र प्रहरीले जनाएको छ ।

६ दिनदेखि अनवरत खोजी कार्य जारी छ तर अझै हराएका बस भने भेटिएका छैनन् । अहिलेसम्म भेटिएका शवहरु पनि विभिन्न स्थानमा फेला परेका हुन् ।