रास्वपाले मुकुल ढकाललाई सबै पदबाट हटायो, साधारण सदस्य भने रहने

काठमाडौं । राष्ट्रिय स्वतन्त्र पार्टी (रास्वपा)ले निलम्बित महामन्त्री मुकुल ढकाललाई सबै पदबाट निष्कासन गरेको छ ।

मंगलबार बसेको केन्द्रीय समिति बैठकले अनुशासन आयोगको सिफारिस बमोजिम महामन्त्री ढकाललाई कारबाही गरेको हो ।

अनुशासन आयोगले साधारण सदस्यबाट समेत निष्कासन गर्न सिफारिस गरेको थियो । तर, केन्द्रीय समितिले भने उनको साधारण सदस्य रहने गरी महामन्त्री, प्रवक्ता, केन्द्रीय समितिबाट हटाएको हो ।

बैठकपछि नेता एवं कार्यवाहक प्रवक्ता मनिष झाले संचारकर्मीलाई भने, ‘अभद्र, अमर्यादित, अशोभनीय र पार्टी हित विपरित काम गरेकोमा पार्टी अनुशासन विभागले गरेको सिफारिस बमोजिम कारबाहीको निर्णय गरिएको छ ।”

ढकाललाई पार्टी निर्णयमा चित्त नबुझे ३५ दिनभित्र पुनरावेदन गर्ने मौका दिइएको झाले बताए । यसअघि केन्द्रीय समिति बैठकले ढकाललाई एक साताका लागि निलम्बन गरेको थियो ।

समीक्षा यात्रापछि विवादित प्रतिवेदन लेखेको, बैठकमा पार्टीको आचरणविरुद्ध प्रस्तुत भएको तथा पार्टीलाई हानि गर्ने गतिविधि गरेको भन्दै उनी निलम्बनमा परेका थिए ।

गत बुधबार बसेको केन्द्रीय समिति बैठकमा महामनन्त्री ढकालले प्रष्टिकरण दिन खोजेका थिए । तर, अनुमति नपाएपछि उनले आफ्नो प्रतिवेदन सार्वजनिक गरेका थिए ।

बैठकमा बोल्न नपाएको भन्दै उनी कालो टेप टाँसेर बसेका थिए ।

यी पनि पढ्नुहोस :

मुकुल ढकालले रन्थन्याए रास्वपा, नेताहरू भन्छन्- प्रतिवेदन महामन्त्रीको व्यक्तिगत टिप्पणी

मुकुलको प्रस्ताव : केन्द्रीय समितिले नै केटी खोजेर योसँग बिहे गर भन्छ भने तयार छु

यस्तो छ महामन्त्री मुकुललाई सभापति रविले बैठकमा पेस गर्न नदिएको प्रस्ताव (पूर्णपाठ)

मुकुल ढकालले रन्थन्याए रास्वपा, नेताहरू भन्छन्- प्रतिवेदन महामन्त्रीको व्यक्तिगत टिप्पणी

पार्टीभित्र ममाथि घृणित राजनीति भयो, प्रतिवेदन जस्ताको तस्तै सार्वजनिक गरियोस् : मुकुल ढकाल

मुकुलको समीक्षा प्रतिवेदन- पार्टीभित्र फोटो खिचेर ठूलो मान्छे भइन्छ भन्ने प्रवृत्ति देखियो (पूर्णपाठ)

रविलाई मुकुलको सुझाव- कि कुर्सीको न्यानोमा नबस, बस्ने भए भ्रष्टहरूको फाइल खोल