धनगढी उपमहानगरले फेरि दियो गर्मी बिदा

SKIP

नेपालभ्युज

धनगढी । धनगढी उपमहानगरपालिकाले पुनः गर्मी बिदा दिएको छ । गर्मी अत्याधिक बढेका कारण धनगढीका सामुदायिक तथा संस्थागत विद्यालयहरूमा भोलिदेखी असार ७ गतेसम्म बिदा दिइएको हो ।

यसअघि उपमहानगरले जेठ १८ देखि २४ गतेसम्म गर्मी बिदा दिएको थियो ।

उपमहानगरले जारी गरेको सूचनामा गर्मी अत्याधिक बढेकाले वर्षे बिदाबाट कट्टा हुने गरी सम्पूर्ण विद्यालय बन्द गर्ने निर्णय गरेको जनाइएको छ ।

बढ्दो अत्यधिक गर्मीले बालबालिका तथा विद्यार्थीको स्वास्थ्यमा प्रतिकूल असर पर्ने हुँदा बिदा दिने निर्णय गरिएको प्रमुख प्रशासकीय अधिकृत नरेन्द्र बहादुर खातीले जानकारी दिए ।