पुल चुँडिदा १४ खच्चर तीन घण्टादेखि पुलमा झुन्डिँदै, सेनाको उद्धार टोली घटनास्थल पुग्दै

नेपालभ्युज

पुल चुँडिदा १४ खच्चर तीन घण्टादेखि पुलमा झुन्डिँदै, सेनाको उद्धार टोली घटनास्थल पुग्दै

काठमाडौं । दैलेखको आठबीस नगरपालिकामा झोलुङ्गे पुलको लट्ठा चुँडिदा खच्चरहरू अड्किएपछि नेपाली सेनासहितको टोली उद्धारको लागि घटनास्थलतर्फ गएका छन् ।

आठबीस – ४ खिड्किज्युला र अछामको विनायक नगरपालिका– ९ चिल्तडा जोड्ने पुलको लट्ठा चुँडिएपछि अड्किएका खच्चरको उद्धारको लागि दुवै जिल्लाबाट प्रहरी टोली घटनास्थल गएका छन् ।

दैलेखबाट नेपाली सेनासहितको टोली घटनास्थलतर्फ लागेको जिल्ला प्रशासन कार्यालय अछामका सूचना अधिकारी सन्तोष विकले नेपालभ्युजलाई बताए ।
उनले भने, ‘‘घटनास्थल सदरमुकामबाट झन्डै ५० किलोमिटर टाढा छ । यसैले सेनाको उद्धार टोली जान समय लाग्छ । नजिकका प्रहरी चौकीबाट प्रहरी पनि गएका छन् ।’’

लट्ठा चुँडिदा झोलुङ्गे पुलमा १४ खच्चर अड्किए

इलाका प्रहरी कार्यालय राकम कर्णाली, काले डाँडाका प्रहरी टोली घटनास्थल गएका छन् ।

घटनास्थलमा पुलमा यात्रारत १४ खच्चर पुलमै अड्किएका छन् । तिनीहरूको अवस्था जोखिमपूर्ण छ । बिहान साढे १० बजेदेखि भारिसहितका खच्चर झुन्डिइरहेका छन् ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved