अमेरिकाले इजरायललाई दिएको हतियारबारे अनुसन्धान गर्ने

नेपालभ्युज

अमेरिकाले इजरायललाई दिएको हतियारबारे अनुसन्धान गर्ने

काठमाडौं । इजरायलले गाजा युद्धका क्रममा अमेरिकी हतियार प्रयोग गरेर केही अवसरमा अन्तर्राष्ट्रिय मानवीय कानुनको उल्लंघन गरेको अमेरिकाले आशंका व्यक्त गरेको छ ।

यद्यपी, अमेरिकी सरकारले पनि यसबारे पूर्ण जानकारी नभएको बताएको छ । यसबारे अमेरिकी संसदमा प्रतिवेदन पनि पेस गरिएको छ ।

बीबीसीका अनुसार अमेरिकी राष्ट्रपति बाइडेनले गत वर्षदेखि पठाएको अमेरिकी हतियार इजरायलले कसरी प्रयोग गर्‍यो भन्ने विषयमा अनुसन्धान गर्न आदेश दिएका छन् ।

अमेरिकाले हालै इजरायललाई गाजाको रफाहमा कुनै ठूलो कारबाही नगर्न आग्रह गरेको छ।

अमेरिकाले इजरायलले रफाहमा कुनै ठूलो कारबाही गरेमा हतियारको आपूर्ति बन्द गर्ने बताएको छ ।

तर, इजरायलले रफाहमा ठूलो कारबाही नगरी हमासविरूद्धको युद्ध जित्न नसक्ने दाबी गरिरहेको छ ।

इजरायली प्रधानमन्त्री नेतन्याहुले आवश्यक परे यो लडाइँमा इजरायल एक्लै उभिने बताएका छन् ।

यदि इजरायलले रफाहमा ठूलो कारवाही गरेमा हजारौं मानिसको ज्यान जान सक्ने अमेरिका र अन्य संगठनहरूले चिन्ता व्यक्त गरेका छन् ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved