आयरल्याण्ड ‘ए’ विरुद्ध नेपाल ‘ए’ को सान्त्वना जित, विपिन खत्रीले लिए ३ विकेट

नेपालभ्युज

आयरल्याण्ड ‘ए’ विरुद्ध नेपाल ‘ए’ को सान्त्वना जित, विपिन खत्रीले लिए ३ विकेट

काठमाडौं। टी–२० क्रिकेट सिरिजको तेस्रो खेलमा आयरल्याण्ड ‘ए’ विरुद्ध नेपाल ‘ए’ ले सान्त्वना जित हासिल गरेको छ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा सोमबार भएको खेलमा नेपाल ‘ए’ ले आयरल्याण्ड ‘ए’ लाई ३ रनले पराजित गरेको हो। योसँगै ३ खेलको सिरिज भ्रमणकारी टोलीले २-१ ले जितेको छ ।

२१४ रनको लक्ष्य पछ्याएको आयरल्याण्ड ‘ए’ ले पूरै ओभर खेलेर ७ विकेटको क्षतिमा २१० रनमात्र बनाउन सक्यो ।

आयरल्याण्ड ‘ए’ का लागि ग्यारेथ डेलानी र मोर्गन टपिङले अर्धशतकीय पारी खेले। ग्यारेथले ३७ बलमा ६८ रन बनाए। मोर्गनले भने बलमा रनको योगदान गरे। यस्तै मोर्गान टोपिङले ६० रन बनाए । फियोन हेडले ७ बलमा २२ रन जोडे ।

नेपालका लागि विपिन खत्रीले २३ रन खर्चेर ३ विकेट लिए। कमल सिंह ऐरी, राशिद खान र नारायण जोशीले भने १–१ विकेट लिए।

पहिले ब्याटिङ गरेको नेपाल ‘ए’ ले पूरै ओभर खेलेर ७ विकेटको क्षतिमा २१३ रन बनाएको थियो ।

नेपाल ‘ए’ का लागि आरिफ शेखले उल्लेख्य पारी खेले। ४.५ ओभर सकिँदा ३ विकेट गुमाएर धर्मराएको नेपाली ब्याटिङलाई आरिफले सम्हाले।

४८ बलको सामना गरेका आरिफ ७ चौका र ६ छक्का प्रहार गर्दै नटआउट ९३ रन जोडे। उनले २९ बलमा ३ चौका र ३ छक्का प्रहार गर्दै अर्धशतक पूरा गरेका थिए।

रासिद खानले २४, कमल सिंह ऐरीले १९, बसिर अहमद १९, पवन सर्राफले १३ र कप्तान विनोद भण्डारीले ११ रन बनाए।

नेपाल ‘ए’ का लागि ३ खेलाडीले दोहोरो अंक छुन सकेनन्। लोकेश बमले ८, देव खनालले ६ र नारायण जोशी १ रनमा आउट भए।

आयरल्याण्ड ‘ए’ का लागि फिओन ह्याण्डले २ विकेट लिए।

अब नेपाल ए र आयरल्याण्ड ए बीचको ३ एकदिवसीय खेलको सिरिज भने बुधबार देखि सुरु हुनेछ।

 

 

 


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved