काठमाडौंको तापक्रम २ डिग्रीमा झर्‍यो

काठमाडौं । आज देशका पहाडी भूभागमा आंशिक बदली हुने र बाँकी भूभागको मौसम समान्यतया सफा रहने मौसम पूर्वानुमान महाशाखाले जनाएको छ ।

उच्च पहाडी तथा हिमाली भेगका केही स्थानमा हिमपातको सम्भावना छ । कोशी, बागमती, गण्डकी र कर्णाली प्रदेशको उच्च पहाडी तथा हिमाली भूभागमा हिमपातको सम्भावना रहेको महाशाखाले जनाएको छ ।

तराईका अधिकांश स्थानमा झन्डै एक महिना यतादेखि लागेको हुस्सु/कुहिरो आज पनि बिहानैदेखि लागेको छ । मुलुकभर दैनिक तापक्रम घट्दै जादा सर्वसाधारणको जनजीवन प्रभावित भएको छ ।

चिसोबाट जोगिन महाशाखाले सबैलाई अनुरोध गरेको छ । काठमाडौं उपत्यकाको न्यूनतम तापक्रम २ डिग्री सेल्सियस मापन गरिएको छ ।

यो यस सिजनकै सबैभन्दा कम हो ।