अमेरिकामा संघीय शटडाउनको संकट टर्‍यो, मंसिरसम्मको खर्च स्वीकृति

एजेन्सी। अमेरिकामा संघीय शटडाउनको संकट अहिलेको लागि टरेको छ। अमेरिकी संसदको दुवै सदन बन्द हुने संकटबाट बच्ने सम्झौता अनुमोदन भएको छ ।

मंसिर मसान्तसम्म सरकारी काम सञ्चालन गर्न आवश्यक पर्ने खर्चका लागि रकम स्वीकृत भएको छ । तर यसमा युक्रेनलाई नयाँ सहायताको लागत समावेश छैन।

सिनेटमा शटइडाउको संकट रोक्न ल्याइएको विधेयक ८८ मतले स्वीकृत भएको थियो । सदनका सभामुख केभिन म्याकार्थीले ४५ दिनका लागि अत्यावश्यक खर्चको व्यवस्था गर्न बिल प्रस्ताव गरेका थिए।

विधेयकमा राष्ट्रपतिको हस्ताक्षर भएसँगै संघीय सेवामा देखिएको गतिरोधको सम्भावना अन्त्य हुनेछ ।

बन्दको अवस्थामा हजारौं संघीय कर्मचारीहरूलाई तलब बिना घर बस्न भन्न सकिन्छ। जसका कारण सरकारी सेवा ठप्प हुन्थ्यो ।