एजेन्सी । धेरै मानिस हात धुने बेला जानी नजानी केही गल्ती गर्छन् जसले गर्दा हात सफा हुँदैनन् । त्यसैले हात धुने बेला यस्ता गल्ती गर्नबाट बच्नु पर्दछ ।
हात पूर्ण रुपमा नधुने
कतिपय अवस्थामा हतार भएर मानिसले हात राम्रोसँग धुँदैनन् । त्यसैले आफ्नो हातको पञ्जा मात्र नभएर हातको अघि पछि दुवै भाग र नाडीसम्म राम्रोसँग धुनुपर्दछ ।
छिटो छिटो धुने
हतारमा हात धुँदा ब्याक्टेरिया राम्रोसँग पखालिँदैनन् । त्यसैले हातलाई कम्तीमा २० देखि ३० सेकेन्ड आरामले मिच्नुपर्छ र राम्रोसँग पानीले पखाल्नुपर्दछ ।
हात नसुकाउनु
हातलाई जति धुन जरुरी हुन्छ त्यति नै सुकाउन पनि । हात गिलो हुँदा ब्याक्टेरिया आउने खतरा हुन्छ । त्यसैले हात धुएपछि सफा कपडा वा टिस्युले राम्रोसँग हात सुकाउनु पर्दछ ।
फोहोर कपडाले हात पुछ्नु
जति राम्रोसँग हात धोए पनि यदि फोहोर कपडाले हात पुछियो भने केही फाइदा हुँदैन । त्यसैले हात पुछ्ने कपडा सधैं सफा राख्नु पर्दछ ।
स्यानिटाइजरको प्रयोग
त्यस्तो त स्यानिटाइजरको प्रयोगले पनि हात सफा गर्न सकिन्छ । तर यो हात धुन नसक्ने परिस्थितिमा मात्र प्रयोग गर्नु पर्दछ । यदि तपाईं घरबाहिर हुनुहुन्छ भने स्यानिटाइजरको प्रयोग अवश्य गर्नुहोस् ।
Facebook Comment
Comment