काठमाडौं। नेपाल मलेसियासँगको पहिलो टी–२० अन्तर्राष्ट्रिय क्रिकेट सिरिजमा पराजित भएको छ। मलेसियाको वाइएसडी यूकेएम ओभलमा सोमबार भएको खेलमा नेपाल घरेलु टोलीसँग ५ विकेटले पराजित भएको हो। मलेसियासँग यो नेपाली महिला टोलीको पहिलो पराजय हो। विगत भएको ३ टी–२० खेलमा भने नेपालले मलेसियालाई हराएको थियो।
नेपालले दिएको ५१ रनको लक्ष्य मलेसियाले ४० बल बाँकी रहँदा पूरा गर्यो। सो लक्ष्य मलेसियाले १३.२ ओभरमा ५ विकेटको क्षतिमा पूरा गर्यो। मलेसियाको लागि वान जुलियाले सर्वाधिक १३ र इन नजवाले ८ रन जोडे।
नेपालका लागि भने कप्तान रुबिना क्षेत्री र सीता राना मगरले २–२ तथा कविता कुँवरले १ विकेट लिए।
पहिले ब्याटिङ गरेको नेपाल १६.५ ओभरमा ५० रनमा अलआउट भयो। नेपालको लागि सम्झना खड्काले १३ र ज्योति पान्डेले ११ रन बनाइन्। मलेसियाको लागि नीर नुर अतिलाले ३ विकेट लिइन्।
नेपाल र मलेसियाबीचको दोस्रो खेल मङ्गलबार र तेस्रो खेल बिहीबार हुनेछ। चौथो खेल शनिबार र पाँँचौं खेल आइतबार हुनेछ।
Facebook Comment
Comment