जनकपुरधाम । केन्द्रीय सत्तारूढ दल नेकपा (माओवादी केन्द्र) मधेश प्रदेश सरकारबाट बाहिरिएको छ ।
केही दिनदेखि कुन दललाई कुन मन्त्रालय र कतिवटा दिने भन्नेबारे छलफल चलिरहेको थियो । त्यसै बेला मुख्यमन्त्री सरोजकुमार यादवले मङ्गलबार कांग्रेस र एकीकृत समाजवादीबाट मन्त्री थप गरेपछि माओवादी सरकारबाट बाहिरिएको हो ।
माओवादी केन्द्र मधेश प्रदेश दलका नेता भरतप्रसाद साहले सरकारबाट बाहिरिँदै दिएको समर्थन पनि फिर्ता लिएको बताए । जनता समाजवादी पार्टी (जसपा) नेतृत्वको सरकारमा माओवादीबाट उद्योग वन तथा पर्यटनमन्त्रीका रूपमा सुनिता यादव र राज्यमन्त्रीमा रहवर अन्सारी थिए ।
त्यसो त दलका नेता साह आफैँ पनि मन्त्री बन्न चाहेको बताइन्छ । राम्रो मन्त्रालय पाएको खण्डमा अब उनी आफैँ मन्त्री बन्ने सोचमा छन् । सरकारबाट बाहिरिएर मुख्यमन्त्री यादवमाथि राम्रो मन्त्रलायको दबाब बढाएको स्रोत बताउँछ ।
Facebook Comment
Comment