छाला जवान बनाइराख्न लगाउनुहोस् काँचो दुध

एजेन्सी । सेतो रंगको काँचो दुध अनुहारको छालाको लागि एकदमै लाभदायक मानिन्छ । त्यसैले सजिलो तरिकाले अनुहारमा काँचो दुध लगाउँदा तपाईंको छालामा विभिन्न फाइदाहरु हुन्छन् ।

चामलको पिठो र काँचो दुधबाट बनेको फेसप्याकले अनुहारमा चमक बढाउँछ । चामलको पिठोमा काँचो दुध मिसाएर पेस्ट बनाउने र उक्त पेस्ट अनुहार तथा घाँटीको भागमा लगाएर २५ मिनेट राखेपछि सफा पानीले धुनुपर्छ ।

त्यस्तै महमा काँचो दुध मिसाएर लगाउँदा पनि अनुहार मुलायम तथा जवान देखिन्छ । सुख्खा छाला हुनेहरुले यसरी दुध लगाउँदा फाइदा गर्छ ।

बेसनमा मिसाएर काँचो दुध लगाउन पनि सकिन्छ । बेसन र काँचो दुध मिसाएर बनाएको पेस्टलाई अनुहारमा २५ मिनेट जति राखेमा प्राकृतिक निखार ल्याउँछ ।

काँचो दुधलाई मात्र अनुहारमा लगाउँदा पनि प्राकृतिक ब्लिचको काम गर्छ । काँचो दुध अनुहारमा लगाएर सुक्न दिने र मसाज गर्दै सफा गरेमा प्राकृतिक चमक ल्याउँछ ।

यसरी काँचो दुधलाई टमाटर, बेसार आदिमा मिसाएर लगाउँदा पनि घामले डढेको छालामा फाइदा गर्दछ । गर्मीमा घामले डढेको हात खुट्टाहरुमा पनि यसरी काँचो दुध लगाउँदा फाइदा गर्छ । यसरी तपाईंले आफ्नो पूरै शरीर काँचो दुधको प्रयोग गरी चम्काउन सक्नुहुन्छ ।