हर्क साम्पाङको आक्रोश – म सफल भए दलतन्त्र धरापमा पर्छ

नेपालभ्युज

काठमाडौं। धरान उपमहानगरपालिकाका मेयर हर्क साम्पाङले आफूलाई असफल बनाउन गिरोह सक्रिय रहेको आरोप लगाएका छन्। फेसबुकमा मंगलबार साङपाङले लेखेका छन् ‘‘तिमीले मलाई सहयोग गर्नुहुँदैन किनकि म सफल भएँ भने दलहरूको दलतन्त्र धरापमा पर्छ।’’

वडाध्यक्षहरू आफ्नो विरोधमा रहेपछि उनले स्ट्याटस लेखेका हुन्।

उनले धरान र नेपालको भविष्य भाड मे जाए तर मलाई सहयोग गर्नु हुँदै हुँदैन भन्दै व्यङ्ग्य पारामा लेखेका छन् ‘‘समस्याहरूलाई यथावत् राखेर जनतालाई लुट्न दिइनँ। माफियातन्त्र र दलालीको अन्त्य गर्न चाहेँ। त्यही भएर मलाई असहयोग गर्नु पर्छ। देशको भविष्य सँगै निहित रहेको तिम्रो सन्तानको भविष्यको बाल मतलब तिमीलाई, मलाई रोक्न छेक्न र सिध्याउन तम्सिनुपर्छ तिमी। देशमा सुशासन र विकास भयो भने कसरी राजनीति गर्ने? झुटको राजनीति कसरी गर्ने ? चिन्ता छ तिमिहरूलाई ?’’