काठमाडौं। नायक प्रदीप खड्काले चलचित्र ‘प्रकाश’बाट उत्कृष्ट अभिनेताको अवार्ड हात पारेका छन् ।
नेपाल अन्तर्राष्ट्रिय चलचित्र महोत्सव (नीफ) मा उनले उत्कृष्ट अभिनेता अवार्ड जितेका हुन् । नेपाली चलचित्र क्षेत्रमा प्रवेश गरेको ८ वर्षमा उनले पाएको यो पहिलो उत्कृष्ट अवार्ड हो ।
चलचित्र प्रकाशबाट उनले उत्कृष्ट अभिनेताको अवार्ड पाएका हुन् । यही चलचित्रबाट दीया मास्केले पनि उत्कृष्ट अभिनेत्री अवार्ड हात पारिन् । नीफको छैटौं संस्करणमा ‘ऐना झ्यालको पुतली’ उत्कृष्ट फिचर फिल्म, सुजित बिडारी उत्कृष्ट निर्देशक, पटकथा लेखक, जुरी अवार्ड दिनेश खत्रीले प्राप्त गरे ।
कार्यक्रममा आयोजक केपी पाठकले आगामी वर्ष पनि अझ सशक्तरूपमा नीफ आयोजना गर्ने जानकारी दिए ।
विश्वका ३५ देशका ९५ चलचित्र प्रदर्शन भएको नीफमा विभिन्न विधामा १३ अवार्ड प्रदान गरिएको थियो । कार्यक्रममा अभिनेत्री गौरी मल्ल, प्रियंका कार्की, नम्रता श्रेष्ठ, प्रकाश सायमीलगायत चलचित्रकर्मीको सहभागिता थियो ।
यस्तो छ निफ विजेता र अवार्ड :
सर्वश्रेष्ठ अभिनेता – प्रदीप खड्का (प्रकाश)
सर्वश्रेष्ठ अभिनेत्री – दीया मास्के (प्रकाश)
सर्वश्रेष्ठ निर्देशक – सुजित बिडारी (ऐना झ्यालको पुतली)
सर्वश्रेष्ठ निर्देशक छोटो फिल्म – प्रद्यूम्न मिश्र (दुविधा)
सर्वश्रेष्ठ छोटो नेपाली फिल्म – जुन्को (मिन्सो लिम्बु)
सर्वश्रेष्ठ छोटो अन्तर्राष्ट्रिय फिल्म – द बुक (इरान)
सर्वश्रेष्ठ छोटो एनिमेटेड फिल्म – द लिजेण्ड अफ गोल्डहन (स्लोभेनिया)
सर्वश्रेष्ठ राष्ट्रिय वृत्तचित्र – द टाइगर्स ज (निर्देशक –कमल कुमार)
सर्वश्रेष्ठ अन्तर्राष्ट्रिय डकुमेन्ट्री – सोल्स अफ द फरेस्ट (इन्डोनेसिया)
सर्वश्रेष्ठ नेपाली फिचर फिल्म – ऐना झ्यालको पुतली
सर्वश्रेष्ठ अन्तर्राष्ट्रिय फिचर फिल्म –मेमोरिज अफ ग्लुमी मनसुन्स (बंगलादेश)
सर्वश्रेष्ठ अन्तर्राष्ट्रिय फिचर फिल्म – अ हाउस विथ नो नेम : पातालघर (बंगलादेश)
सर्वश्रेष्ठ छायांकन – राजेश श्रेष्ठ (प्रकाश)
सर्वश्रेष्ठ पटकथा – सुजित बिडारी (ऐना झ्यालको पुतली)
Facebook Comment
Comment