जनकपुरधाम। धनुषा प्रहरीको भ्यानबाट हाम फालेर फरार भएका बलात्कारका आरोपी तीन दिनपछि पक्राउ परेका छन् ।
गत आइतबार साँझ करिब ७ बजेको समयमा धनुषाको शहीदनगर नगरपालिका-३ स्थित यदुकुहा र सशस्त्र क्याप्पको बीचको नहरमा हाम फालेर फरार भएका सबैला नगरपालिका-१३ किरातपुर बस्ने २८ वर्षीय राजाबाबु मुखिया पक्राउ परेको जिल्ला प्रहरी कार्यालय धनुषाले जनाएको छ ।
मंगलबार राति जिल्ला प्रहरी कार्यालय र मधेस प्रदेश प्रहरी कार्यालय जनकपुरबाट खटेको संयुक्त टोलीले मुखियालाई जनकनन्दनी गाउँपालिका १ इनरुवास्थित भारतीय सीमानजिक भारततर्फ जानको लागि लुकीछिपी बसेको अवस्थामा पक्राउ गरिएको प्रवक्ता वेदप्रसाद गौतमले जानकारी दिए ।
फागुन ५ गते जबरजस्ती करणीको आरोपमा पक्राउ परेका मुखियालाई दोस्रोपटक म्याद थप गरि लैजाँदै गरेको अवस्थामा थुनुवा गाडीमा सुरक्षार्थ खटिएको ६ जना प्रहरी कर्मचारीहरूमाथि प्रहरी नियमावलीअनुसार आवश्यक कारबाही प्रक्रिया अगाडि बढाइएको उनले बताए ।
Facebook Comment
Comment