बृहत्तर राष्ट्रिय सहमति आजको आवश्यकता : प्रधानमन्त्री

नेपालभ्युज

काठमाडौं। प्रधानमन्त्री तथा ७३औं प्रजातन्त्र मूल समारोह समितिका अध्यक्ष पुष्पकमल दाहाल प्रचण्डले बृहत्तर राष्ट्रिय सहमति आजको ऐतिहासिक आवश्यकता भएको बताएका छन् ।

आइतबार बिहान टुँडिखेलमा आयोजित प्रजातन्त्र दिवस समारोहलाई सम्बोधन गर्दै प्रधानमन्त्रीले उक्त बृहत्तर राष्ट्रिय सहमति आजको ऐतिहासिक आवश्यकता औंल्याएका हुन् ।

‘संविधानले अवलम्बन गरेको सामाजिक न्याय र समानतामा आधारित समाजवादउन्मुख अर्थतन्त्रको निर्माण गर्ने तथा समावेशी आर्थिक समृद्धि हासिल गर्नका लागि बृहत्तर राष्ट्रिय सहमति आजको ऐतिहासिक आवश्यकता हो,’ उनले भने ।

बदलिएको राजनीतिक व्यवस्थाअनुरूप जनताको अवस्था बदल्न सरकार क्रियाशील रहेको उनको भनाइ छ ।